Posts
കേരങ്ങളുടെ നാട് കേരളം! കേരം തിങ്ങും കേരളനാട്! കേള്‍ക്കാന്‍ സുഖമുള്ള ചൊല്ലുകള്‍. എന്നാല്‍ കാര്യങ്ങളുടെ പോക്ക് ആശാവഹമല്ല. ..തെങ്ങുകൃഷി ഇന്ന് കര്‍ഷകരെ സംമ്പത്തിചെടുതോളം നഷ്ടകരമായ ഒന്നായി മാറിയിരിക്കുന്നു …തേങ്ങയുടെ വിലയിടിവിന് പുറമേ തേങ്ങയിടാന്‍ ആളെ കിട്ടാത്തതും തെങ്ങിന്റെ രോഗങ്ങളും ഇന്ന് കര്‍ഷകരുടെ നട്ടെല്ലോടിചിരിക്കുകയാണ്,തെങ്ങിന്‍ തോപ്പുകളില്‍ ഉണക്ക് തേങ്ങകള്‍ വീണു കിടക്കുന്നത് നിത്യ കാഴ്ചയായി മാറിയിരിക്കുന്നു, ഏത് നിമിഷവും തലയില്‍ വീഴാം എന്ന മട്ടില്‍ ഉണങ്ങിയ തേങ്ങാക്കുലകള്‍ ഇപ്പോള്‍ ഏത് തെങ്ങിലും കാണാം. തേങ്ങ വഴിയാത്രക്കാരുടെ തലയില്‍ വീഴും എന്ന അവസ്ഥയിലാണ് പല വഴിവക്കത്തെ തെങ്ങുകളും..മുന്‍പ് എല്ലാ മാസവും തെങ്ങയിടീചിരുന്ന കര്‍ഷകര്‍ ഇന്ന് വര്‍ഷത്തില്‍ രണ്ടു തവണ തെങ്ങയിടീച്ചാലായി എന്നായിരിക്കുന്നു … ഒരു കാലത്ത് തെങ്ങില്‍ നിന്നുള്ള വരുമാനം കൊണ്ടായിരുന്നു നമ്മുടെ വീടുകളിലെ അടുപ്പുകളില്‍ തീ പുകഞ്ഞത്,എന്നാല്‍ ഇന്ന് ഉത്പാദന ചിലവ് പോലും തിരിച്ചു കിട്ടാത്ത അവസ്ഥയിലെത്തി ചേര്‍ന്നിരിക്കുന്നു,ഇന്ന് ഗള്‍ഫ്‌ പണവും മറ്റു വരുമാന മാര്‍ഗങ്ങളും നമ്മുടെ ജീവിതത്തെ മാറ്റിയിരിക്കുന്നു...ഒരു തേങ്ങ പറിച്ചു തെങ്ങാക്കൂടയിലെതിച്ചു പോതിച്ചു വില്‍ക്കും വരെ ഭാരിച്ച ചിലവാണ്‌ ,മാത്രമല്ല ആവശ്യത്തിനു തൊഴിലാളികളെ കിട്ടാനുമില്ല,
തെങ്ങയോടൊപ്പം തെങ്ങോലയും തെങ്ങിന്‍ തടിയും ആര്‍ക്കും വേണ്ടാതായിരിക്കുന്നു.ഓലമേഞ്ഞിരുന്ന മേല്‍ക്കൂരകള്‍ ആസ്ബറ്റോസ്,അലൂമിനിയം,പ്ലാസ്റ്റിക്‌ ശീറ്റുകള്‍ക്കു വഴിമാറിയിരിക്കുന്നു..1000രൂപയ്ക്കു മുകളില്‍ കര്‍ഷകന് ലഭിച്ചിരുന്ന തെങ്ങിന്‍ തടി വെറുതെ എടുക്കാന്‍ പോലും ആളില്ലാതായി.
കേര കൃഷി ഏറ്റവും സമ്പന്നമായ നമ്മുടെ നാട്ടിന്‍ പുറത്തു കീടങ്ങളുടെ ആക്രമണം രൂക്ഷം,മണ്ഡരിയാണ് കഴിഞ്ഞകാലങ്ങളില്‍ തെങ്ങുകൃഷിക്കാരെ ഏറെ കണ്ണീരു കുടിപ്പിച്ചത്. ഇപ്പോള്‍ കൂമ്പു ചീയല്‍, ഓലചീയല്‍ തുടങ്ങിയവ തെങ്ങുകളെ നശിപ്പിക്കുന്നു. കൃഷിക്കാരുടെ നട്ടെല്ലൊടിക്കുകയാണ് ഒട്ടേറെ കീടങ്ങളും…..
ഇടിത്തീപോലെയാണ് ഓരോ പ്രതിസന്ധിയും കേരകര്‍ഷകര്‍ക്കുമേല്‍ പതിക്കുന്നത്. മണ്ഡരിക്കുശേഷം കാറ്റുവീഴ്ചയുടെ നാളുകളാണിത്. കുമ്പുചീയല്‍. ഓലചീയല്‍. ചെന്നീരൊലിപ്പ്.... തെങ്ങുകളെ നശിപ്പിക്കാന്‍ ഒട്ടേറെയുണ്ട് രോഗങ്ങള്‍. ഇവിടെ കരിയുന്നത് കര്‍ഷകസ്വപ്‌നങ്ങള്‍…മലയോരപ്രദേശങ്ങളില്‍ വ്യാപകമായി കണ്ടുവരുന്ന രോഗങ്ങളായിരുന്നു ഇവയെങ്കിലും ഇപ്പോള്‍ സ്ഥലഭേദമെന്യെ ഇത്തരം രോഗം ബാധിക്കുന്നത് വ്യാപകമായിട്ടുണ്ട്.
കഴിഞ്ഞ ഏതാനും വര്‍ഷങ്ങളായി മണ്ഡരി ബാധയായിരുന്ന ഏറ്റവും കടുത്ത രോഗം. എന്നാലതില്‍ നിന്നുമിപ്പോള്‍ തെല്ലൊരാശ്വാസം കര്‍ഷകര്‍ക്ക് ലഭിക്കുമ്പോഴാണ് മറ്റു പലതരം രോഗം തെങ്ങിനെ പിടികൂടുന്നത്. മഴക്കാലത്ത് പിടിപെടുന്ന രോഗങ്ങള്‍ തന്നെയാണ് തെങ്ങുകള്‍ക്ക് വിനയായി മാറുന്നത്.അമിത രാസവളപ്രയോഗം, പരിചരണമില്ലായ്മ, കാലാവസ്ഥാവ്യതിയാനം തുടങ്ങിയവ തെങ്ങുകളുടെ വളര്‍ച്ചയെ പ്രതികൂലമായി ബാധിക്കുന്നു. തെങ്ങയിടുന്നവര്‍ തെങ്ങിന്റെ മണ്ട വൃത്തിയാക്കാത്തത് രോഗങ്ങള്‍ വരാന്‍ വലിയൊരു കാരണമാണ്..മുമ്പൊക്കെ എല്ലാ തെങ്ങിലും കയറുമായിരുന്നു. തേങ്ങയുണ്ടോ ഇല്ലേ എന്ന് നോക്കാറുണ്ടായിരുന്നില്ല. തേങ്ങയുള്ളതില്‍നിന്ന് പറിക്കുകയും അല്ലാത്തവയില്‍ വീഴാറായ മടലുകള്‍ വെട്ടുകയും ക്ലീനാക്കി ഇറങ്ങുകയും ചെയ്യും. ഇപ്പോഴാകട്ടെ. തേങ്ങകുറവുള്ള തെങ്ങില്‍ കയറ്റാന്‍ ഉടമക്കും താല്‍പര്യമുണ്ടാകില്ല.
കേര കര്‍ഷകരുടെ പ്രശ്നങ്ങള്‍ പരിഹരിക്കുന്നതിനും രോഗം നേരിടുന്നതിനു കൃഷിവകുപ്പ് അടിയന്തിര ശ്രദ്ധചെലുത്തിയില്ലെങ്കില്‍ നെല്‍ കൃഷിയും മറ്റു കൃഷികളും പോലെ തെങ്ങ് കൃഷിയും നാട് നീങ്ങിയെക്കാം..ശാസ്ത്രീയ കൃഷിരീതികളും രോഗബാധയും പ്രതിവിധികളും ഉള്‍പ്പെടുന്ന ബോധവത്കരണ ക്ലാസുകള്‍ കേരകര്‍ഷകര്‍ക്ക് ലഭ്യമാക്കണമെന്ന ആവശ്യവും ഉയര്‍ന്നിട്ടുണ്ട്.
0 comments:
Post a Comment